|
El grupo el s’à riformà,
anzi l’è “rinato” in t’el 1998,
dopo 23 ani dal’ultimo spettacolo insieme.
Parchè el nome “Sarebbero stati Famosi”?...
Parchè se alora, in t’el ’75, a ghìssino
continuà, forse adesso…
E dal ’98 a ghemo sfornà on spetacolo ogni ano,
tuti e in tuto originai e in dialeto. Coélo ca volemo,
infati, l’è ridarghe vita e salvare la “lingua”
dela nostra zona e far capire le “raìse”,
pitoche ma bele, dela nostra zente.
A pensemo da essarghe riuscii portando sul palco situazion de
ieri, de oncò e anca de doman, col parlare dela zente,
dele olte grossolan (mai volgare), ma senpre tanto colorìo
e espressivo, con dele parole che in italian ne le se catarà
mai. Tuto cunzà dal nostro “spirito mònade”**,
on coalcossa ca ghemo in t’el sangue e ch’el restarà
senpre con noaltri.
In ti ultimi tenpi, par rendare più incasinà el
grupo, a s’à zontà racuanti puteloti
(no che chi altri del grupo storrico i sia veci, an), par dimostrare
che tegnerghe al dialeto ne l’è solo fantasia o
‘na moda par tornare indrio.
‘Na “nomination”
particolare a: Donatella Di Florio e Mauro Dell’Oro, chi
gà partecipà ai primi 3 spetacoli e po’,
par el laòro, i gà dovesto trasferirse in quel
di Como. |
Tecnici del suono: Gianni
Miotto e Alessio Sinico;
Tecnico dele luci:
Fabio Muraro
Scenografie e costumi: Grupo**
Musiche originali e efeti sonori: Nelson Ghirelli
Aiutanti de scena: Andrea Ghirelli, Silvia
e Valentina Veronese
Curatore sito internet: Enrico Ghirelli
|
**
La scenografia de “TITANIK…”,
‘na roba veramente favolosa, l’è opera de
Valentina Veronese, Francesca Tramarin e Selene Verzola.
* in te la version in italian a ghemo provà
a spiegare ai non veneti cossa ca se pole intendare par “mona”.
Sa volì, ‘ndè a vedare… |
|
|
