Metare in scena on spetacolo l’è ‘na guera ogni olta.
Al’inizio nessun gà idee… ‘na roba da spararse in t’i… deoloni d’i piè (i gà sbalià mira;n.d.r.).
Dopo coàlche vènare (l’è el giorno che de solito i se cata;n.d.r.), senza essarghe mai tuti, a vien fora dele idee, coalcossa de scrito, “a mi ne me piase”, “mi ‘st’ano me fermo”, “a ghè poche parti” (ora dela fine ghe n’è massa! ;n.d.r.) e avanti cussì…
Tuto coèsto a Febrajo, Marzo.
Magio– Se la va ben, se riva con la boza dela boza, continuando a ne essarghe mai tuti.
Giugno—Verso la fine, de solito ghè el copion (definitivamente provisorio;n.d.r.) nel caso potesse servire…
Lujo e Agosto—ferie.
Setenbre—”Coàndo se catemo?”
Otobre— “Come se fa a provare sa ne ghe semo mai tuti?” “ Ne se pole inparare la parte solo con le prove!”